fargar

OKTOBER ER ORANSJ

2007-10-16T01:29:00.000+03:00

Egentlig forbind eg oransj mest av alt med appelsiner og klementiner, men jammen går det visst å leske seg på dollar og. Det er kva ein lur rev gjer.

Til det tapre folket i Burma.

2007-09-30T02:06:00.000+03:00

'Begynnelsen'
Dette er begynnelsen på det som skal bli eit bilde til det tapre folket i Burma.

KAIZERS FOTO

2007-09-29T22:50:00.000+03:00

'Musikk'

Musikk for den brune månaden.

2007-09-13T02:12:00.000+03:00

Eg hadde veldig lyst å finne Madrugadalåt som kunne passe til septemberfargen, og eg hadde lyst på denne.Eg synest faktisk at ikkje berre det visuelle er i brunt,men eg høyrer og ein jorda, brun klang.
Det eg ikkje har tenkt på før no (flirer litt) Ane BRUN :)

Er det ikkje fin Cello? Den kan du høyre her og

Brunfargen er jord og vår.

2007-09-03T15:05:00.000+03:00

Brun er fargen Silja har valt at skal få litt oppmerksomhet i september. Det var litt overraskande, men kjekt, Silja.

Brunfargen får meg til å tenkje på våren, på nypløygd jord, og på nakne trestammer der ein berre begynner å skimte det grøne.

Den får meg til å tenkje på det å ha hage. Rake bort restane etter vinteren,brunt lauv og planterestar, og fram tittar staudene og eg får denne gjensynsgleda: "å, der var du og... og du...og så du som eg nesten hadde gløymt, men som er så vakker..." og eg fyllest av lykke når eg ser at der beskytta av lauv og anna dekke har dei hatt det lunt nok til å våge vekse ørlite.

Eg skulle sikkert ha fått meg ein hage igjen...

Jfr. 'cooper Symol lex' symboliserer brunfargen jorda.
Vidare finn eg i dette leksikonet at brunfargen for kristne symboliserer åndeleg død; død for verden;forsakelse;botferdighet;degradering

Juli er mangefarga

2007-07-31T19:22:00.000+03:00

Eg har stort sett vore på jakt etter stencils når eg har fotografert veggene i by'n.MEN: juli er jo mangefarga, og då måtte eg finne vegen til Sentralbadet i Bergen.

Dette er ein av dei "lovlege" graffitiveggene i Bergen.

Det vart ein regnfull affære å hente desse bildene. Vi har ikkje vore velsigna med så mykje sol og varme i juli, og det vart ein kjapp fotoseanse med kompaktkameraet mitt.
Eg ser ikkje bort frå at eg går tilbake når været blir bra og fotograferer på nytt :)

Eg har lagt ut Street Art her.

Juni er rosa

2007-06-01T21:21:00.000+03:00

Juni er rosa. Meir enn noko anna forbind eg rosa med blømande epletre,- og biletet eg måla for ganske lenge sidan, men som alt er lagt i ALLROMMET.
Då eg las at junifargen var rosa tenkte eg jo at det var som søren og at eg alt hadde blogga dette biletet.

MEN så gjekk eg i gang med å male rosa i dag då, for det er maling og foto eg nok kjem til å drive mest med framover no. Det kjem sikkert ikkje til å vera mykje rosa att i biletet i morgon, så eg måtte fram med kameraet medan der enda var ein del rosa igjen :) Hagen fekk og vera med, og her ser du heile hagen min og litt av biletet eg målar på.
Det blir nok ganske rosa her i bloggen utover i juni, og eg er litt spent på kva alt det rosa som skal inn her er for noko.

Bloggane krympar

2007-05-20T02:42:00.000+03:00

Eg har hatt storopprydding på Flickr, og når eg ryddar på Flickr då tynnest det i bloggen min gitt. Bildefelt for bildefelt vart tome fordi eg hentar bildene i bloggen frå Flickr.
Alle tre bloggane er ramma.
Eg har sletta nokre innlegg alt, og no står dei siste for tur.
Så er det ein post du leitar etter og ikkje finn er det dette som er grunnen.

Første dag med nytt kamera

2007-05-10T23:20:00.000+03:00

Vi treng verken male, strikke eller sy for å få det grønt no.Då eg gjekk ut for å fotografere i dag var det ikkje for å hente grønt til 'Et år i farger' alongen, det var ikkje fordi været lokka. Det var eine og aleine for å prøve det nye kameraet. Likevel, det er nesten ikkje til å unngå å komme heim med noko grønt når ein bevegar seg utandørs med kamera no.

Grøn i alkymien,for buddhistane,for...

2007-05-04T21:46:00.001+03:00

I alkymien: Den grønne løven eller dragen er begynnelsen til det store verket; den unge kornguden; vekst; håp.
For buddhistene: Vårlig grønt er livet; gustengrønt er dødsriket, et lik og alt som tilhører de dødes verden.
For egypterne:Osiris symboliserer det umodne grønne kornet som blir til solguden Ras gull.
For hinduene: som for buddhistene.
I islam:Grønt er den hellige fargen.
For jødene (kabbalistene): seier.
For kelterne: Tir-na nôg («de unges land»); den grønne øya; jordgudinnen Bridgits farge.
For kineserne:Grønt har samme symbolikk som blått og veksler med blått i den blå eller grønne dragen, våren, øst, tre og vann. Grønt er også Ming-dynastiets farge.
For kristne:Vårlig grønt er udødelighet; håp; Den hellige ånds vekst i mennesket; livet; triumf
over døden; vårens seier over vinteren. Grønt står også for innvielse og gode gjerninger.
I middelalderen ble den treenighetens, åpenbaringens og evangelisten Johannes’ farge. Blekgrønt står for Satan, døden og det onde.

Sitat frå Cooper 'Symbollex'

Mai er grøn

2007-05-04T21:45:00.002+03:00

Den siste gule dagen stal eg ein bil

2007-04-30T23:40:00.000+03:00

Det er siste dagen i april, gjett kva eg gjorde.

Eg snusa rundt på Flickr, og der stal eg denne gule bilen frå Andre Rabelo .

Med denne skal eg suse inn i mai som eg ikkje anar fargen på. Eg skulle jo hatt ein fin hatt og, høyrer ikkje det liksom med om vi skal kjøre til mai i ein slik bil?

Og kjole...

Det har vore herlig med gul april, og i morgon kjem Silja med ein ny farge til oss, eg lurer på kva det er for farge, begynner å bli litt spent eg no.

Det blir kanhende eit nytt tjuvtokt på Flickr. Spennande å sjå kva farge eg skal ut og stele.

Takk for den gule månaden Silja!

Lisens som gjeld for bruk av fotografiet

Det var ein gong ein "boksirkel"

2007-04-18T01:09:00.000+03:00

Dette har blitt ein 'hente fram gammalt' månad.

Collagen til venstre har eg laga i ei bok som tilhøyrer Helga, Else Marie eller Liv Mari.

Vi fire hadde kvar vår bok som sirkulerte mellom oss.Vi hadde bøkene ein md. der vi skreiv og måla, klippte og limte
-for så å sende den vidare til neste mann...eh kvinne.

Slik reiste bøkene på ein runde mellom Bergen, Kvinnherad og Notodden inntil der ikkje var fleire blanke ark att i dei.
Det har jo gått nokre år no, og eigentlig kunne det vore litt kjekt å bla i dei andre sine bøker og. Dei høyrer jo liksom litt saman.

Coldplay - 'Yellow'

2007-04-14T03:33:00.000+03:00

Dette er ikkje den beste Coldplay-låten, men fin er den lell, og det er jo den gulaste då!

Cello

2007-04-13T20:02:00.000+03:00

Dette er og eit av bileta som har lege lenge mellom permane i go' boka mi. Dei fleste bileta mine heiter u.t, men dette heiter 'Cello'
Eg skulle verkeleg ynskje eg kunne spele på eit instrument, og det er to instrument eg framfor alt skulle ynskje eg trakterte : fiolin og cello.

Gammalt og gult

2007-04-13T19:21:00.000+03:00

Eg har små bøker som er heilt herlege å skrible og male i (MOLESKINE)Ei av dei er forlengst full. Då eg bladde gjennom denne i dag såg eg at i denne boka har eg slett ikkje spart på gulfargen :)

ACRYL

Gul som symbol

2007-04-12T02:26:00.001+03:00

Sitat frå Cooper 'symbol-lex':

GULT
Tvetydig, lysgult eller gyllengult er solfargen; sollyset; intellektet; intuisjon; tro og godhet.
Mørkegult betegner svik; forræderi; sjalusi; ærgjerrighet; grådighet; hemmelighetskremmeri; bedrag; troløshet.
Et gult eller gult og svart flagg står for karantene. Et gult kors betydde pest.

For buddhistene: Munkedrakteri er safrangul og symboliserer forsakelse, frihet fra begjær; ydmykhet.
For hinduene: gullets farge; lys; liv; sannhet; udødelighet; vest.
For indianerne: solnedgang; Vesten.
For jødene (kabbalistene): skjønnhet.
For kineserne: jorden; sentrum; metall; haren i månen; Qjng-dynastiet.
For kristne:
Gyllengult står for hellighet; guddommelighet; åpenbart sannhet; «stråleglansens drakt», som bæres ved feiringen av visse helgener.
Mørkegult står for svik; bedrag; jøder; kjettere; Judas Iskariot.

GYLLENGULT:
Solen; guddommelig kraft; opplysningens stråleglans; udødelighet; Gud som uskapt lys; den høyeste verdi; livets materie; ild; glans; ære; utholdenhet; det maskuline prinsipp.
Solens gylne farge symboliserer alle solguder, korngudinnene og -gudene og moden grøde.
Zeus’ gulltråd trekker alle ting til ham;
for Homer er den forbindelsen mellom himmelen og jorden;
for Platon solen og fornuften.
Gull og sølv, sol og måne er de to aspektene av den samme kosmiske virkeligheten.
I alkymien: solens «essens» (innerste vesen); den jordiske solen; størknet lys; varighet; likevekten av alle metall- egenskaper. Å gjøre mindreverdig metall om til gull er sjelens forvandling; å vinne tilbake menneskenaturens opprinnelige renhet,
For egypterne: solguden Ra; det gylne kornet.
For hinduene: liv, lys; sannhet; udødelighet; frøet; ildguden Agnis ild.
For indiane: Vesten.
For kelterne: ild

I Benedicte Thiis symbollexikon finn vi:
Gul - gleden og intellektets ild, kontroll, kraft; (Sjalusi, emosjoner).

Du kan hente mykje informasjon om fargar og farge-symbolikk på nettet. Wikipedia har ein del infromasjon, men søker du på Kvasir vil du få ein god del å velge mellom

VESKE strikk,tov & nålfilting

2007-03-30T20:52:00.000+03:00

.

.

.Meir info blir lagt til over påske.
SLIDESHOW

Klikk og finn veske stikka etter samme mønster.

Vårteikn i marsfargen

2007-03-20T19:02:00.000+02:00

Sola skin i Bergen i dag, og fotoapparatet har vore i bruk ute for første gong på lenge.

Eg hadde gløymt å setje inn SDkortet, og det er ikkje plass til mange foto i apparatet, men nokre vårteikn var det plass til. Her er resten.

Og medan vi ventar på at byen skal stå i full Rhododendron flor, kan vi kikke på denne sida.

Å, kor eg gler meg til Bergen kler seg i vår-stasen og me ser Gullregn og Rhododendron kor vi vender oss.

Då er det vakkert, så ulileg vakkert.

Eksperiment i mars fargen

2007-03-11T01:35:00.000+02:00

Eg stakk ein tur ned i by'n sist torsdag, og handla over evne.

Eg kom heim med garn i veldig mange fargar.Eg har jo ikkje noko garnlager frå før, så eg har skaffa meg eit. Ull, tråd og ikkje minst, NÅLER til nålfilting var i posane eg drassa med meg heim.

Eg gler meg orntlig til å prøve filte-nålene no.Ok, eg kunne jo ikkje vente, så eg eg har jo alt prøvd bitte litt.

Det VAR verkeleg gøy, og enklare enn eg trudde.

NO GLER EG MEG til å utforske dette!

Kva symboliserer den blå fargen?

2007-02-28T04:05:00.001+02:00

Eg slår opp i Cooper 'Symbol lex' og finn at blått symboliserer:

-sannhet, intellekt

-åpenbaring

-visdom

-troskap, trofasthet

-standhaftighet

-storsinn

-kyskhet

-rene følelser

-plettfritt rykte

-fromhet

-fred

-kontemplasjon

-kjølighet

Symbolleksikon v/Benedicte Thiis: Klarhet,hengivelse,religiøsitet(kulde,ensomhet)

BLÅ for indianerane,kristne,mayaene...

2007-02-28T04:04:00.003+02:00

FOR INDIANERANE symboliserer den blå fargen himmelen og fred.

FOR KRISTNE er blåfargen symbol for himmelen, den himmelske sannhet, evighet, tro, troskap, Jomfru Marias farge som himmeldromming.

FOR MAYAENE: en fiendes nederlag

FOR KINESERNE: himmelen, skyer, Østens asurblå drage, våren, tre som materiale.

FOR DRUIDENE: en skald, dikter

For meg

2007-02-28T04:04:00.001+02:00

For meg , ja så tenkjer eg helst på slitte dongerybukser til sommarbrun hud, Hermann Friele og Kåre Villoch. Ja, dette er det første som dukkar opp når eg tenkjer blått.
Det var ein periode i livet mitt då alle mine klær var blå, og eg må jo sei det var langt betre enn den noko seinare perioden då alt var svart.
Den blå perioden, ja då kledde eg meg i blått fordi eg elska blått.
Den svarte perioden starta jo med at eg likte svart, trivdest med det, men det varde jo altfor lenge, og på slutten av denne svarte perioden då gjekk eg i svart kun fordi det var dyrt å skifte ut og få fargar eg hadde lyst på trass i at eg var så lei desse svarte klærne.
Fortsatt er eg belemra med ein del klær frå denne perioden, men det kjem seg smått om senn.

Ulriken i februarfargen

2007-02-28T04:03:00.003+02:00

Januarfargen i "Året i farger" alongen var svart,kvit og grå. Ja, vi har jammen fått sjå desse fargane over byfjella, dei har titt omslutta både fjell og lier.

Men no er det februar, og februar er blå

Blå video: Jeff Buckley Hallelujah

2007-02-28T04:03:00.001+02:00

Eg set stor pris på Leonard Cohen som låtskrivar og som artist. Likevel, når det kjem til Hallelujah er det Jeff Buckley eg held som den beste til å framføra låten. Det er trasig å høyre dei 4 norske gitarkameratane når det går an å høyre J. Buckley. Trass i at eg har krympa meg når eg har høyrt dei og ikkje heilt forstått at det er dei som har vunne det norske folk, tenkjer eg at; vel så har ein fin låt nådd fleire av mine landsmenn.Ingenting så ille at det ikkje er godt for noko.

Eg var så heldig at denne videoen passar inn i Året i farger allongen:

LYTT GJERNE TIL DESSE OG:

Her er Hallelujah slik dei fleste av oss kjenner den best.
Denne og likar eg veldig godt. Vel det er vel ingen Buckley versjon eg ikkje likar.

varme i kulde. acryl

2007-02-28T04:02:00.003+02:00

JANUAR VAR SVART,GRÅ OG KVIT.

2007-02-28T03:55:00.002+02:00

Dette er fargar eg kunne jobba med eit heilt år. Vel, det kunne eg vel med dei fleste fargar, men i og med at både kvitt og svart var på samme tid fekk vi balanse.Når vi har berre ein farge vil nok ganske visst suget etter komplementærfargen melde seg.

Januarkvit Ugle-jakke

2007-02-28T03:53:00.001+02:00

Denne jakka var mitt 'Håndarbeids' bidrag i 'Året i farger'-allongen i januar.
Eg har slett ikkje særleg erfaring med strikkepinnane, så her var det berre å strikke etter mønster. Kreativiteten måtte vike for strikke-trening. Ja, og så lika eg jakka veldig godt, og hadde lyst til å strikke den til Hannah.

Materiale: DUO silke/merino(Henrichsens Uldspinderi) og grøne perler.
Pinnar nr. 2 1/2 og 3
Design: Else Schjellerup.

"Januarfarge-musikk" NICK CAVE 'Into my arms'

2007-02-28T03:51:00.002+02:00

Her er (etter min smak)vakker musikk og ein flott video som eg tykkjer høyrer til her under januarfargen.